Ağır qəzada ölən şəxslər hərbçi imiş - Fotolar

Ağır qəzada ölən şəxslər hərbçi imiş
Oxunma sayı: 6594

Ötən gün ağır yol qəzasında ölən şəxslərin hərbçi olduğu məlum olub. 

"Qafqazinfo" xəbər verir ki, onlar Gəncə şəhər sakini, MAXE Musayev İslam İsax oğlu və Şəki şəhər sakini, MAXE Aslanov Mübariz Azər oğludur. 

Məlumata görə, hər iki hərbi qulluqçu 44 günlük Vətən müharibəsində və 13 Sentyabr 2022-ci ildə düşmən təxribatlarının qarşısını alarkən döyüşüblər.

Hər iki hərbçi Azərbaycan bayrağına bükülmüş tabuta qoyularaq yaşadıqları rayona yola salınıb.

Qeyd edək ki, hadisə ötən gün axşam saatlarında köhnə Ələt-Astara avtomobil yolunun 146-cı km-də Cəlilabad rayonundan keçən hissəsində qeydə alınıb. Belə ki, "VAZ 2107" markalı minik avtomobili idarəetməni itirərək yol kənarındakı ağaca çırpılıb və nəticədə iki nəfər ölüb.