Ötən gecə Almatı şəhərində inzibati binalar və polis departamenti ekstremist qüvvələrin hücumuna məruz qalıb.
“Qafqazinfo” xəbər verir ki, bu barədə məlumatı şəhərin Polis Departamentinin rəsmi nümayəndəsi Saltanat Azirbek “Xabar-24” telekanalının efirində deyib.
Onun sözlərinə görə, sözügedən qüvvələr inzibati binalara, şəhərin polis departamentinə və digər polis bölmələrinə hücum etməyə cəhdlər edib. Nəticədə, onlarla hücum edən şəxs zərərsizləşdirilib. Onların şəxsiyyəti müəyyənləşdirilir.