Hindistanlı turistin ölü tapılması xəbərlərinə - DİN-dən reaksiya
Zaqatalada itkin düşən hindistanlı turistin meyitinin tapılması barədə fotolar yayılıb.
“Qafqazinfo” məsələni dəqiqləşdirmək üçün üçün DİN-in Mətbuat xidməti ilə əlaqə saxlayıb.
Xəbəri rus dilində oxuyun: МВД об обнаружении тела пропавшего индийского туриста в Загатале - Фото
Xidmətin Şəki regional qrupunun baş inspektoru, polis baş leytenantı Mahir Məsimov saytımıza bildirib ki, vəhşi heyvanlar tərəfindən parçalanmış şəkildə tapılması barədə sosial şəbəkələrdə yayılan məlumatlar həqiqəti əks etdirmir:
“Turistin axtarışları DİN, ETSN və FHN-in aidiyyəti strukturlarının əməkdaşları tərəfindən davam etdirilir. Yerli sakinlər və alpinistlər də axtarışlarda iştirak edirlər. Hələlik müsbət nəticə əldə olunmayıb. Yayılan fotolar daha əvvəl Gürcüstanda çəkilib”.
Qeyd edək ki, mayın 17-də Hindistan vətəndaşı, 1993-cü il təvəllüdlü Kondaveeti Manikath adlı şəxsin Zaqatalada itkin düşməsi ilə bağlı polisə müraciət daxil olub. İlkin araşdırma nəticəsində onun mayın 12-də Zaqatalada qaldığı hoteli tərk etdiyi və Car kəndinin çətin relyefə malik yüksək dağlıq ərazisinə getdiyi müəyyən olunub.
Son Xəbərlər
- 1
- 2
- 3
- 4
- 5
- 6
