Nişanlı qız oğlan evini yola salıb özünü asdı
Kürdəmirdə 18 yaşlı qız intihar edib.
“Qafqazinfo”nun məlumatına görə, 2004-cü il təvəllüdlü F.C. özünü evin həyətindəki hində asaraq həyatına son qoyub.
İlkin araşdırmalar zamanı məlum olub ki, qız ötən il qonşu kənddən olan oğlanla nişanlanıb. Yaxın günlərdə onun toyu planlaşdırılıbmış.
Belə ki, ötən gün oğlan evi qızgilin evinə gələrək toyun tarixini və digər detalları müzakirə ediblər. Qonaqlar gedəndən sonra F.C.-nın həyətdə cehizlik yorğan-döşək üçün yun təmizləyən anası ona toyuqlara dən atmasını tapşırıb. Hinə gedən 18 yaşlı qız az sonra qışqırmağa başlayıb. Ailə üzvləri onun ilandan qorxduğunu düşünüblər. Az sonra ora daxil olan qızın qardaşı bacısının özünü asdığını görüb.
Hadisənin hansı səbəbdən baş verməsi hələlik məlum deyil.
Faktla bağlı Kürdəmir Rayon Prokurorluğunda araşdırma aparılır.
Nizam Rza
Son Xəbərlər
- 1
- 2
- 3
- 4
- 5
- 6
