Rafiq Hüseynov vəfat etdi

Rafiq Hüseynov vəfat etdi
Oxunma sayı: 5672

Xalq artisti Rafiq Hüseynov Almaniyada dünyasını dəyişib. "Qafqazinfo" xəbər verir ki, bu barədə APA-ya açıqlamasında xalq artistinin həyat yoldaşı Səbinə Hüseynova məlumat verib.
 
O bildirib ki, R. Hüseynov müalicə aldığı Düseldolf şəhərindəki klinikada vəfat edib: “Həkimlər əllərini gələni etdilər, amma həyata qayıtması mümkün olmadı. Oktyabrın 26-da dünyasını dəyişdi. Mən dövlət qurumlarından xahiş etdim ki, heç kimə deməsinlər. Çünki qızım bu xəbəri mətbuatda oxusaydı, ona çətin olacaqdı. İlk sizə deyirəm, indi yaya bilərsiniz. Artıq qızımı psixoloji cəhətdən hazırlamışam. Heç nə danışa bilmədim Rafiqlə. Səsimi eşidirdi, gözünü açırdı, amma danışa bilmirdi. Komaya düşən kimi ürəyi dayandı. Həkimlər dedilər ki, ağ ciyərin funksiyasını bərpa etmək mümkün olmadı”.
 
S. Hüseynova əlavə edib ki, R. Hüseynovun cənazəsi iki günə Bakıya gətiriləcək: “Almaniyadakı konsulluğumuz bu işlə məşğuldur. Hər şey dövlət tərəfindən yüksək səviyyədə təşkil olunacaq”.

Qeyd edək ki, xalq artisti Rafiq Hüseynov Azərbaycan Televiziyasının məşhur diktoru və kino redaktoru işləyib. Onu tamaşaçılara sevdirən isə fərqli səs tembri olub.




Daha tez məlumatlanmaq üçün yeni Facebook səhifəmizi