Azərbaycan Olimpiadada ilk medalını qazandı - Fotolar + Yenilənib
Azərbaycanın daha bir qadın cüdoçusu İrina Kindzerska Tokio-2020 Yay Olimpiya Oyunlarında mübarizəyə başlayıb.
“Qafqazinfo” xəbər verir ki, 78 kq-dan yuxarı çəki dərəcəsində çıxış edən idmançı 1/8 final mərhələsində Larisa Tseriçlə (Bosniya və Herseqovina) üz-üzə gəlib.
Rəqibinə ipponla qalib gələn Kindzerska 1/4 finala yüksəlib. O, bu raundda Cənubi Koreya təmsilçisi Mijin Hanla üz-üzə gələcək.
***
İrina Kindzerska 1/4 finalda Cənubi Koreya təmsilçisi Min-Cin Han qalib gələrək yarımfinala yüksəlib.
***
Xanım idmançımız yarımfinalda yaponiyalı Akira Sone ilə üz-üzə gəlib. Rəqibinə ipponla məğlub olan Kindzerska bürünc medal uğrunda görüşə qatılacaq. Rəqib isə çinli Şiyan Xu olacaq.
***
Kindzerska bürünc medal uğrunda görüşdə çinli Şiyan Xu ilə üz-üzə gəlib.
Rəqibinə ipponla qalib gələn Kindzerska bürünc medal qazanıb.
Bu, Azərbaycan yığmasının Tokio-2020 Yay Olimpiya Oyunlarında ilk medalı olub.
Son Xəbərlər
- 1
- 2
- 3
- 4
- 5
- 6
