Azərbaycanlı qadın Rusiyada azyaşlı uşaqları ilə intihar etdi - Foto

Azərbaycanlı qadın Rusiyada azyaşlı uşaqları ilə intihar etdi
Oxunma sayı: 7511

Rusiyanın Volqoqrad şəhərində yaşayış binasının qarşısında bir qadının və iki övladının cəsədi aşkar olunub.

“Qafqazinfo” Rusiya mediasına istinadən xəbər verir ki, qadının öz uşaqları ilə birgə 16-cı mərtəbədən özünü ataraq intihar etdiyi iddia edilir.

Xəbəri rus dilində oxuyun: Трое малолетних детей были избиты сожителем матери - МВД

Qonşuların sözlərinə görə, intihar edən qadının 32, qızlarının birinin 7, digərinin isə 5 yaşı olub.

Qadının Azərbaycan əsilli Rusiya vətəndaşı olduğu bildirilir. Bununla yanaşı, ailənin soyadının Çunayev olduğu qeyd olunub.

Məlumata görə, qadın övladları və həyat yoldaşı ilə hadisə baş verən əraziyə yaxın yerdə yaşayıb. Şahidlərin sözlərinə görə, qadın ilk öncə, qızlarına evin qarşısında oynamağa icazə verib. Daha sonra uşaqları ilə birgə 16-cı mərtəbəyə qalxıb. Qeyd olunub ki, qadın qızlarını ümumi eyvanın pəncərəsinə güc tətbiq edərək çıxardıqda qızları ona müqavimət göstərib. Ardınca qadın uşaqları pəncərədən itələyib və sonra özünü atıb. Hadisədən sonra qadının əri sorğu-sual üçün polis bölməsinə aparılıb. Qadının hansısa ciddi xəstəliyinin olduğu iddia olunur. Onun çantasından vida məktubu da aşkar olunub. 

Hazırda faktla bağlı araşdırma aparılır.

Həmçinin oxuyun: Keçmiş arvadını başqa kişi ilə gördü, gecə qapını sındırıb evə girdi - Təfərrüat