Həsən Şirinov istefaya göndərildi - Yenilənib
Bakı Şəhər Baş Polis İdarəsinin rəis müavini, general-mayor Həsən Şirinov istefaya göndərilib.
“Qafqazinfo”nun azpolitika-ya istinadən məlumatına görə, Həsən Şirinovun istefaya göndərilməsinin səbəbi yaş məhdudiyyəti ilə bağlı olub.
Həsən Şirinov 1980-ci ildən daxili işlər orqanlarında çalışıb. Müxtəlif illərdə Nəsimi, Xətai və Xanlar rayon yol polisi bölmələrinin rəisi, Naxçıvan Muxtar Respublikası Dövlət Yol Polis İdarəsinin rəisi, Azərbaycan Respublikası DİN BDYPİ-nin rəis müavini vəzifələrində çalışıb.
1994-cü ildən 2010-cu ilə qədər isə Bakı Şəhər Dövlət Yol Polis İdarəsinin rəisi vəzifəsində işləyib.
***
Unikal.org-a danışan Həsən Şirinov haqqında yayılan xəbərə münasibət bildirib:
“Bütün bu xəbərlər yalandır. Hazırda işimin başındayam. Bu xəbər qərəzli şəkildə mətbuata buraxılıb. Tamamilə yanlış informasiyadır”.
Son Xəbərlər
- 1
- 2
- 3
- 4
- 5
- 6
