“Qarabağ” “Dalğa Arena”da oynayacaq
UEFA Avropa Liqasının qrup mərhələsində çıxış edəcək “Qarabağ” ev oyunlarını “Dalğa Arena”da keçirəcək. Bu barədə məlumatı “Qafqazinfo”ya klubun icraçı direktoru Əmrah Çəlikəl verib.
O, artıq bununla bağlı UEFA-ya sorğu göndərdiklərini bildirib: “Artıq UEFA-ya sorğu göndərmişik. Ot örtüyünün yaxşı olmasına görə oyunlarımızı “Dalğa Arena”da keçirmək istəyirik. Amma son qərarı qitə futbol qurumu verəcək”.
Çəlikəl daha az tutuma malik “Dalğa Arena”nı seçərkən azarkeşlərin nəzərə alınıb-alınmaması ilə bağlı suala da cavab verib: “Biz də istəyərdik ki, daha böyük stadionda çıxış edək. Amma vəziyyət elədir ki, ot örtüyü daha vacib amildir. Bu səbəbdən də “Dalğa Arena”nı seçdik”.
Son Xəbərlər
- 1
- 2
- 3
- 4
- 5
- 6
