“Texnika Bank” bağlanır? - Yenilənib
Azərbaycanda daha bir bankın lisenziyası ləğv olunması ilə bağlı məlumat yayılıb.
"Qafqazinfo"ya daxil olan məlumata görə, Mərkəzi Bankın ötən gün keçirilən iclasında “Texnika Bank”ın lisenziyasının ləğv olunması ilə bağlı qərar qəbul edildiyi deyilir.
“Texnika Bank” Müşahidə Şurasının sədri Etibar Əliyev “Qafqazinfo”ya açıqlamasında bildirib ki, dövlət orqanlarının qərarı nə olacaqsa, ona hörmətlə yanaşacağıq: “Bir müddət əvvəl bankın dirçəldilməsi ilə bağlı qərara necə hörmətlə yanaşmışdıqsa, bu dəfə elə olacaq. Amma bankın lisenziyasının ləğv edilməsi barədə məlumatım yoxdur. Rəsmi qurumun qərarını gözləmək lazımdır”.
***
“Qafqazinfo”nun əldə etdiyi məlumata görə, artıq bankın əməkdaşlarına lisenziyanın ləğv olunması ilə bağlı məlumat verilib.
Xatırladaq ki, banka bir müddət Beynəlxalq Bankın keçmiş sədri Cahangir Hacıyev rəhbərlik etmişdi və adı dəyişdirilərək "Bank Technique" adlandırılmışdı. Ötən ilin oktyabr ayında isə Etibar Əliyev yenidən bankın rəhbərliyinə gətirilmişdi. Ona bankı defolt vəziyyətdən çıxarmaq həvalə olunmuşdu.
Günel Türksoy
Son Xəbərlər
- 1
- 2
- 3
- 4
- 5
- 6
