İcra Hakimiyyətinin şöbə müdiri intihar etdi - Yenilənib

İcra Hakimiyyətinin şöbə müdiri intihar etdi
Oxunma sayı: 11960

Nərimanov rayon İcra Hakimiyyətinin ərazi idarəetmə və yerli özünüidarəetmə orqanları ilə iş şöbəsinin müdiri, 44 yaşlı Əlizadə Elmar Şamil oğlu özünü asaraq intihar edib.

"Qafqazinfo" unikal.org-a istinadən xəbər verir ki, E.Əlizadənin intihar etməsinin səbəbi bilinmir.

Mərhum dünən Yasamal qəbiristanlığında dəfn edilib.

***

Nərimanov rayon Prokurorluğundan "Qafqazinfo"ya verilən məlumata görə, 1975-ci il təvəllüdlü Əlizadə Elmar Şamil oğlu yaşadığı evdə özünü asaraq intihar edib.

Faktla bağlı daxil olan məlumat əsasında polis və prokurorluq orqanlarının, eləcə də məhkəmə tibbi ekspertin iştirakı ilə hadisə yerinə və meyitə baxış keçirilib, o cümlədən digər təxirəsalınmaz istintaq hərəkətləri həyata keçirilib.

Faktla bağlı Cinayət Məcəlləsinin 125-ci (özünün öldürmə həddinə çatdırma) maddəsi üzrə cinayət işi başlanıb. İş üzrə zəruri istintaq -əməliyyat tədbirləri davam etdirilir.


Daha tez məlumatlanmaq üçün yeni Facebook səhifəmizi