Londonun yeni meri Sadiq Xan özünün ilk rəsmi addımı kimi Holokost qurbanlarının xatirəsinə qoyulmuş abidəni ziyarət edib.
“Qafqazinfo”nun Haaretz-ə istinadən məlumatına görə, anım tədbirinə Londonun yəhudi icmasının 1000-dən çox nümayəndəsi, eyni zamanda Holokostdan ziyan çəkən 150 nəfər qatılıb.
İştirakçılar qarşısında yəhudi məktəblərinin 5 yığma xor dərnəyi çıxış edib.
Qeyd edək ki, Sadiq Xan 2 gün öncə seçki yolu ilə mer postuna gətirilib. Leyboristlər partiyasından olan Pakistan əsilli Xan tarixə bu vəzifəni tutan ilk müsəlman kimi daxil olub.