Ağcabədidə 20 yaşlı ana doğuşda öldü - Yenilənib
Ağcabədi rayonunda doğuş zamanı ana ölüb, uşaq sağ qalıb.
“Qafqazinfo” xəbər verir ki, rayonun Avşar kənd sakini, 2005-ci il təvəllüdlü Şərqiyyə Qasımova doğuş zamanı vəfat edib.
Doğulan oğlan uşağı isə xilas edilib və sağdır.
Hazırda faktla bağlı araşdırma başlanıb, ölümün səbəbi araşdırılır.
***
TƏBİB-dən sorğumuza cavab olaraq bildirilib ki, ötən gün saat 05:00 radələrində 2005-ci il təvəllüdlü hamilə dəqiqləşdirilməmiş preeklampsiya diaqnozu ilə Ağcabədi Rayon Mərkəzi Xəstəxanasına hospitalizasiya olunub.
Hamiləliyinin 37-ci həftəsində olan pasiyent 15 dəqiqə ərzində müvafiq müayinə olunduqdan sonra stabilləşdirilərək, təxirəsalınmaz əməliyyata alınıb və boyu 47 sm., çəkisi 2 200 qram olan körpə (kişi cinsli) dünyaya gəlib. Əməliyyatdan sonrakı dövrdə saat 06:30-da ananın ürək fəaliyyəti dayandığından müvafiq reanimasiya tədbirlərinə başlanılıb. Həkimlərin çoxsaylı səylərinə və göstərilən yardımlara baxmayaraq saat 06:45 radələrində bioloji ölüm faktı qeydə alınıb.
Meyit təşrih olunması üçün Səhiyyə Nazirliyinin “Məhkəmə-Tibbi Ekspertiza və Patoloji Anatomiya Birliyi”nə təhvil verilib. Hadisə ilə əlaqəli Ağcabədi Rayon Prokurorluğunda araşdırma aparılır.
Hazırda körpə tibb müəssisəsindədir və vəziyyəti stabil olaraq qiymətləndirilir.
Ziya Əmirxanlı
Son Xəbərlər
- 1
- 2
- 3
- 4
- 5
- 6
