Trampla təhlükəsizliyi müzakirə etdilər
Meksika Prezidenti Klaudiya Şeynbaum amerikalı həmkarı Donald Trampla telefonla danışıb.
“Qafqazinfo” xəbər verir ki, o bu haqda “X” sosial şəbəkəsindəki səhifəsində yazıb.
“ABŞ Prezidenti Donald Trampla çox məhsuldar söhbətimiz oldu. Biz müxtəlif mövzuları, o cümlədən suverenliyimizə hörmətlə bağlı təhlükəsizlik, narkotiklərin qanunsuz dövriyyəsinin azaldılması, ticarət və sərmayələri müzakirə etdik”, - o yazıb.
Şeynbaum qarşılıqlı hörmət çərçivəsində əməkdaşlıq və qarşılıqlı fəaliyyətin həmişə müsbət nəticələr verdiyini də vurğulayıb.
Xatırladaq ki, yanvarın 9-da Ağ Ev rəhbəri ABŞ Silahlı Qüvvələrinin Latın Amerikasında, xüsusilə Meksikada narkotik kartellərinə qarşı quru əməliyyatlarına başlayacağını bəyan etmişdi.
Son Xəbərlər
- 1
- 2
- 3
- 4
- 5
- 6
